Aurkibidea

[getxoztarra]

Datorren maiatzaren 16an ospatuko den Sopelako Esaera Zaharren Txapelketako XVI. edizioak Gotzon Garate idazle eta filologoa zena omenduko du. Izan ere, iaz zendu zen Garatek esaera zaharrak eta atsotitzak biltzen egindako lan aparta urteak joan eta urteak etorri txapelketaren antolakuntzarako ezinbesteko laguntza izan dute Sopelako AEK Nikola euskaltegikoek.

Txapelketa hau zelan doan azalduko dotzuet apur bat. Taldeka apuntatzen da. Txapelketa eguna baino lehenago jokoan dauden 100 esaerak eskuratzen dira eta ikasi behar dira buruz eta euren esannahiak (bakoitzak ikusiko dau zenbat ikasi, dibertitzera bazoaz eta giroaz gozatzera ez da asko ikasi beharrik, irabaztera bazoaz zeozer bai). Txapelketa egunean talde danak multxotan banatzen dira eta Sopelako herritik joaten dira poteoan. Poteatzen dan bitartean antolatzaileek aurrez prestaturiko bertsoak botako dabe eta taldeek asmatu beharko dabe ze esaera zaharrekin daukan zerikusia eta esaera zahar hau hitzez hitz (ez dau balio gitxi gora behera esatea esaera) zein dan esan. Poteoaren amaieran puntu gehien daukan taldea finalera pasako da. Bazkaria egingo da Ander Deuna ikastolan eta bazkariaren ostean, multxo ezberdinetan sailkatu diren taldeak finala jolastuko dabe. Hemen ezberdintasun bat dau, bertsolari ezagunak egongo dira eta bertsoak inprobisatuko dabez eta taldeek ze esaera dan asmatu.

Benetan txapelketa polita, giro euskalduna eta oso ona. Adin guztietako jendeak parte hartzen dau. Gura dauenak animatzea.

Gehiago dakidanean (noiz eta non apuntatu behar dan...) abisatuko dot. :manifa:

[getxoztarra]

Hemen txapelketako oinarriak:

OINARRIAK

1.   Txapelketa taldeka egiten da (2-4 kide, 16 urtetik gorakoak).
2.   Izena emateko azken eguna MAIATZAREN 4a izango da. TALDEAren IZENA, eta TELEFONOA edo HELBIDE ELEKTRONIKOA eman beharko dira.
3.   Taldeak 10 ? ordaindu beharko du izena ematean, inskripzio gisa. Bazkarirako, 18 ? pertsonako.
4.   Izenaz gain, taldeek zenbaki bana izango dute: 1. taldea  2. taldea, etab.
5.   Txapelketak BI SAIO ditu: eguerdian KANPORAKETAK eta arratsaldean FINALAK.
6.   Zerrendako 100 esaera zaharretatik bat ez da benetakoa. Esaera ?berria? identifikatzen duen lehenengo taldeak bere ibilbidea hautatu ahal izango du. Hortik aurrera esaera hori besteak bezalaxe agertu ahal izango da.
7.   Txapelketan, bertsoei dagozkien esaerak zerrenda ofizialean agertzen den modu BEREAN (hitzez hitz) esan beharko dira ontzat emateko. Txapelketa egunean ezin izango da zerrenda eskuan izan.
8.   Esaera asmatzeko bertso bat kantatuko zaio dagokion taldeari, bertsoan esaera asmatzeko hainbat zantzu agertuko delarik. Bertsoa, gehienez, birritan kantatuko da eta hortik aurrera taldeak minutu bat izango du erantzuna emateko, TALDEKO BOZERAMALEAren bidez (beti pertsona bera). Erantzun bakarra onartuko da taldeko.
9.   Talde bakoitzak, gutxienez, bertso bi entzungo ditu (hau da, esaera bi asmatu ahal izango ditu). Bere txandan asmatzen duen esaera bakoitzeko, taldeak puntu BI eskuratuko ditu.
10.   Esaera asmatu ezean, beste taldeek erreboterako aukera izango dute. Bertsoa berriro kantatuko, eta taldeen ordena errespetatuko da. Errebotean asmatzen duen taldeak puntu BAT irabaziko du.
11.    Goizeko ibilbide bakoitzean puntu gehien batzen duen taldea FINALERA joango da; arratsaldean puntu gehien lortzen duena IRABAZLEA izango da.
12.   Kanporaketetan zein finalean HAINBANA gertatuz gero, bertso bana kantatuko zaie taldeei, batek besteek baino puntu gehiago erdietsi arte.
13.   SOPELAKO AEK-k honako oinarriak aldatzeko eskubidea du, antolaketa arazorik izanez gero.
14.   Epaimahaia izango da txapelketa gidatzeko; SOPELAKO AEK-k erabakiko du zenbatek eta nortzuek osatuko duten.
15.   Txapelketan parte hartzeak oinarriok onartzea dakar ezinbestean. Hala ere, beti izango da kexatzeko eskubidea.


SOPELAKO AEK
94-4212329
aitor-f@aek.org edo jose-p@aek.org

[getxoztarra]

Ta ikasi beharreko esaera zaharrak hauek dira:

1.   AHALEGINAK HAMAR DIREZ
2.   AITAK EGIN, SEMEK DESEGIN
3.   AMAREN ALDERAKO ZORRA EZIN ORDAINDUA
4.   ARDIAK BEEKA EGONIK, EZ DU JATEN BELARRIK
5.   ARDOA BARRURA, SEKRETUA KANPORA
6.   ARRANTZALEAK EZ DU ERABILTZEN URREZKO AMURIK
7.   ASTOAK ARNOA EKARTZEN ETA URA EDATEN
8.   ASTO ASKOK, LASTO ASKO
9.   ATE BAT HERSTEN DENEAN, BERTZE BAT IDEKITZEN DA
10.   AUSIKIZ HARRIA, HORTZAK HAUSTEN
11.   AUZILARIAK BEHAR DITU HIRU ZAKU: ZAKU BAT PAPER, ZAKU BAT DIRU, ZAKU BAT PAZIENTZIA
12.   BALIZKO OLAK BURNIA GITXI
13.   BARATXURIA ZAZPI GAITZEN KONTRAKO JANARIA.
14.   BAT EMAN ETA BI HARTU, GURE ETXEAN EZ BERRIZ SARTU
15.   BERANT ETORRIARI OHE TXARRA
16.   BERE BURUA EZAGUTZEA DA JAKITEA.
17.   BETI ON NAHI DUENA, MAIZ GAIZKI
18.   BIHOTZEAN DAGOENA, MIHIRA IRTEN
19.   BIXISTUETAN, UZTA HAUNDIAK
20.   BIZARRAK EZTAU EGITEN GIZONA
21.   BIZIA LABURRA DA BAINAN ZORIGAITZEK LUZATZEN
22.   BOTERETSUAK SEGIZIO HANDIA
23.   BURURIK EZA, BELDURRIK EZA
24.   BUZTANA LASTOZKOA DUENA SUAREN BELDUR
25.   DAKIKANETIK BEGIRA HADI. EZTAKIKANETIK JAINKOAK BEGIRA HAZALA.
26.   DANTZATU NAHI EZ DANA, EZ DOALA DANTZARA
27.   DEUS EZ DAGON ETXEAN HASARREA SEGURO
28.   DRINGILON DON, BATAREN GAITZA BESTEEN ON
29.   EGARRI DAGOENARENTZAT, UR LOHIRIK EZ
30.   EGINARENDAKO ERREMEDIORIK EZ
31.   EGIOK/N EGILEARI, EMAIOK/N EMALEARI
32.   EHIZTARI TXARRAK, ESKOPETARI ERRUA
33.   ELIZATIK HURRENENA, PARADISUTIK URRUNENA
34.   EMAN NAHI EZ DUENAK ESTAKURU FRANGO
35.   ERAUNTSIA PASATU ETA GUARDASOLA ATERA
36.   ERO GUZTIAK, SUERTOSO
37.   ERREGE BERRI, LEGE BERRI
38.   ESAERA ZAHARRAK, GEZURRIK EZ
39.   ESKEAK JOLASA GALDU
40.   ESKOPETA HUTSAK BI GIZON IKARATZEN, BETEAK BAT
41.   ESKUKO BEHATZAK ERE, EZ ZITUEN JAINKOAK BERDINAK EGIN
42.   EZ DIRA DOZENAN HAMAIRU
43.   EZPATAKAZ ANTZINA, TIROKA GAUR, PERTSONONTZAT PERTSONA ZER DA, HORRA HOR
44.   ESTAMENTU MILITARRA ONDO JENDE KLASE TXARRA
45.   ETXEAN GATZA UGARI DAGOELA ETA, EZ DEZAZULA BAZKARIA GEHIEGI GAZITU
46.   ETXEKO SUA ETXEKO HAUTSAZ ESTAL
47.   EZ EGIN OIHANEAN, EDER EZ DENIK KALEAN
48.   EZKONTZA POBRERIK EZ, HILETA ABERATSIK EZ
49.   GAIXO TXARRARENTZAT SENADAGILE ONIK EZ
50.   GAIZKI JAN ETA GAIZKI LAN
51.   GAUA, GOGAPENEN AMA
52.   GARBI ESANDA, TXAKURRAK ERE ULERTZEN DU
53.   GEZURTIAK ZER DUEN MEREZI? EGIA ESATEAN EZ SINETSI
54.   GURASOEN HAURKERIEK EZ DUTE HAURRA ONTZEN
55.   GUTXI EDATEA ETA GUTXI SINESTEA, ZINTZOAREN EGITEA
56.   GUTXI KOSTA, GUTXI ESTIMA
57.   HARIA MEHEENEAN ETEN OHI DA
58.   IHAURK EGIN DEZAKE(N)ANA EZ UTZI BESTERI EGITEN
59.   IRABAZIAK OINAK ARIN
60.   JAKINDURIAK MUGAK DITU; EZJAKINTASUNAK EZ
61.   JAKINEK EZ DEKO KALTERIK
62.   JENDE EDERRA, JENDE ALFERRA
63.   JOKOA EZ DA ERRENTA
64.   KAFEA BERORIK, JARRIRIK ETA URRIRIK
65.   KANPOKOAK ZUHURTZAT ETA ETXEKOAK I?UZENTETZAT
66.   KATILUAN ZEIN ITSASOAN, ITOTZEA BETI ITOTZE
67.   LANAK EZ DU LOTSIK
68.   LANGILE ONARI ZOR ZAIO SARI
69.   LASTO SU, LASTER SU
70.   LOTSA EZ DA GALTZEN DEN TOKIAN AURKITZEN
71.   MAIATZ HOTZAK DAKARZ POZAK
72.   MAITATZAILERIK: EZ OTOIZTURIK, EZ BORTXATURIK
73.   MENDIAK MENDIA BEHAR EZ DU, BAINA GIZONAK GIZONA BAI
74.   MORROI BERRIAK GALBAHEAN BERE EKARTZEN DAU URA
75.   NAGIA BETI NEKATUA
76.   NAGUSI EROA BAINO, GOGORRA HOBE
77.   NAHIAGO DUT ?TO? BAT HAMABI ?EMANGO DI(N)AT? BAINO
78.   NAHIKIDE EZ DA ADISKIDE
79.   NESKA LARRU GORRI, SANTUAK BERE LARRI
80.   NI TXAPELGINTZAN HASIKO BANINTZ UMEAK BURURIK GABE JAIOKO LIRATEKE
81.   OHE BEROAK ASKARI HOTZ
82.   OIHAL ONA KUTXAN SALDU DOA
83.   OKILA KANTETAN, EURIA ATETAN.
84.   OLIOA ETA EGIA DOATZA GAINERA
85.   OPARIA, LOKARRIA
86.   ORAIN ORAINGO ETA GERO GEROKO
87.   ORDU BATEAN EZIN DANA, BITAN EGITEN DA
88.   ORGAK IDIEN AITZINEAN
89.   ORHIKO XORIAK ORHIN LAKETZEN
90.   OTSOAK JAN ALA ARTZAINAK JAN, BILDOTSARENTZAT BERDINTSU
91.   SAGU ERGELA, KATUAREN MENEKO
92.   SALDA HOTZA ETA ARDO BEROA, GAUZA EROA
93.   SANTUTASUN ETA DIRU, HAMARRETIK HIRU
94.   URGULUTSUAK NAHIO DU NUNBAIT GALDU BIDEA NORBAITI GALDEGIN BAINO
95.   UTZAK/N ONA HOBIAGATIK
96.   ZAHARRARI AZKAR JOATEKO ETA HAURRARI GELDI EGOTEKO ESATEA BERDIN DA.
97.   ZAKU HUTSA EZ ZUTIK EGOITEN
98.   ZELANGOA BAITA AMEA HALANGOA OHI DA ALABEA
99.   ZIKINA GARBITZEN UREZ, GAIZKIA URREZ
100.   ZORIONTSUAK ADAN ETA EBA, FALTA ZUTELAKO AMAGINARREBA