ERASO TITANA  -  SHINGEKI NO KYOJIN (進撃の巨人) (2013-2023)

---

---

Telesailaren Ezaugarriak:

Herrialdea: Japonia
Generoa: Fantasia
Urtea: 2013-2023
Denboraldiak: 4
Atalak: 88 + 8 OVA (2 OVA ez dauzkat oraindik)
Zuzendaria: Tetsurō Araki (1-3. denboraldiak), Masashi Koizuka (2-3. denboraldiak) eta Yuichiro Hayashi (4. denboraldia)
Gidoia: Yasuko Kobayashi (1-3. denboraldiak) eta Hiroshi Seko (4. denboraldia)
Musika: Hiroyuki Sawano (1-4. denboraldiak) eta Kohta Yamamoto (4. denboraldia)
Sinopsia: Harresiz inguratutako hiri bateko bizilagun talde bat da telesaileko protagonista. Harresiek hiria babesten dute erraldoi gizajaleen erasoengandik, baina egun tamalgarri batean sartzea lortzen dute. Izen bereko mangan oinarritutako telesaila.
Nota Filmaffinityn: 7,8

---

Bideoaren ezaugarriak:

Hizkuntza: Japoniera (euskaraz azpititulatua)
Iraupena: 22 minutu atal bakoitzeko
Kolorea: Koloreduna
Pisua: 300MB inguru ataleko (guztira 31,3 GB)
Erresoluzioa: 1280x720 (1-3. denboraldiak) eta 1920x1080 (4. denboraldia)
Estekak:
1-3. denboraldiak (MEGA - ONLINE)
4. denboraldia (MEGA - ONLINE)
*Nahiz eta online ikus daitekeen, atalaren erdian MEGAren datu muga gainditu duzunaren abisua agertu eta atala eten daiteke, beraz jaistea gomendatzen da*

Hemen daukagu ba. Eskerrik asko!!

Eskerrik asko!!! Sinopsia gehitu diot fitxari. Lan ederra egin duzu, eskerrik asko ekarpen eder honengatik! 

Hau bai lan titanikoa, MILA ESKER!! Zuen baimenarekin Euskomangan ere anime honen fitxak sortu ditut: 1. denboraldia, OVAk, 2. denboraldia, 3. denboraldia, 4. denboraldia. Eguberri on!! 

Aipamenaren egilea: egoninobi  Noiz: 2022ko Abenduaren 25a, 19:36:16Hau bai lan titanikoa, MILA ESKER!! Zuen baimenarekin Euskomangan ere anime honen fitxak sortu ditut: 1. denboraldia, OVAk, 2. denboraldia, 3. denboraldia, 4. denboraldia. Eguberri on!! 

Ederki! Eguberri on zuri ere bai!

Mila mila esker, telesail osoa euskeratzeko lana hartzeagatik!

Lehenengo eta behin eskerrak eman gura dizkizut telesail honen azpidatziak egitearren. Eta horrez gain, zoriondu egin gura zaitut. Hori da lana egin duzuna! Kuriositatez, egin duzu sartutako orduen kalkulua?

Aipamenaren egilea: Arsenicum  Noiz: 2023ko Urtarrilaren 12a, 00:10:29Lehenengo eta behin eskerrak eman gura dizkizut telesail honen azpidatziak egitearren. Eta horrez gain, zoriondu egin gura zaitut. Hori da lana egin duzuna! Kuriositatez, egin duzu sartutako orduen kalkulua?

Eskerrik asko, nire lanaren harrerak benetan poztu nau.

Sartutako orduak 250 inguru izan direla esango nuke. Ez ditut zehazki neurtu, baina atal bakoitzarekin 2-3 ordu inguru pasa ditudala uste dut, eta amaieran guztiak berrikusten beste 10 bat ordu. Hori bai, ingelesezko azpititulu fitxategiak deskargatu eta bertan berridazteko aukera izan dudalako da hori. Neure kabuz azpititulu bakoitza sortu behar banu (lehenengo 2 atalekin egin nuen bezala), azkar amore emango nukeen, ziur.

Nik bihar bukatuko dut segur aski dena ikusten Oso lan ona, eskerrik asko

Eguneratzea: Estreinatu den azken atala gehitu dut, eta beste batzuei konponketak egin dizkiet (akats ortografiko batzuk eta hobetu zitezkeen itzulpenak topatu ditut errepaso bat eman ondoren).

Eskerrik asko

Zeintzuk dira zuzenduak? Denak ez jaisteko berriro.

Ikusten dudanagatik, 3 datatan daude igota fitxategiak: abenduan, otsailean eta martxoan.

Aipamenaren egilea: Aju  Noiz: 2023ko Martxoaren 19a, 22:44:19Eskerrik asko

Zeintzuk dira zuzenduak? Denak ez jaisteko berriro.

Ikusten dudanagatik, 3 datatan daude igota fitxategiak: abenduan, otsailean eta martxoan.

Otsailean eta martxoan berriro igotako guztiak dira zuzenduak, baina gehienetan hitzen bat baino ez dut aldatu. Aldaketa nabariena hitanoa dela esango nuke (hizkera berezia duten pertsonaiei esaldi batzuk bakarrik jarri nizkien hikaz, baina orain guztiz hikaz mintzatzen dira). 2. denboraldiko 2.a, 3. denboraldiko 1, 2, 3, 6, 7, 8, 9, 10, 18 eta 4. denboraldiko 3, 9, 11, 12, 13, 16, 18, 22 eta 23 dira hitanoa daukatenak.